जयेश खांडगेपाटील : Navimumbailive.com@gmail.com
नवी मुंबई : नेरूळ सेक्टर २, ४ तसेच जुईनगर नोडमधील पदपथावर ब्लिचिंग पावडरची फवारणी करण्याची लेखी मागणी नवी मुंबई जिल्हा काँग्रेसच्या सचिव श्रीमती विद्या भांडेकर यांनी महापालिकेच्या नेरूळ विभाग अधिकाऱ्यांकडे एका निवेदनातून केली आहे.
यंदा मे महिन्यापासून नवी मुंबई शहरात पावसाने हजेरी लावली आहे. सध्या मुसळधार पाऊस सतत पडत आहे. सव्वा महिन्याच्या कालावधीत सतत पाऊस पडल्याने नेरूळ सेक्टर २, ४ आणि जुईनगर नोडमधील पदपथावर शेवाळ साचण्यास सुरुवात झाली आहे. यामुळे पदपथ निसरडे झाले असून पदपथावरुन चालताना स्थानिक रहीवाशी विशेषत: महिला व ज्येष्ठ नागरिक पडून त्यांना जखमा झाल्या आहेत. त्यामुळे पदपथावरुन चालणाऱ्या स्थानिक रहीवाशांना कोणत्याही प्रकारची इजा होवू नये, दुर्घटना टळाव्यात यासाठी संबंधितांना नेरूळ सेक्टर २, ४ तसेच जुईनगर नोडमधील पदपथावर ब्लिचिंग पावडरची फवारणी करण्याचे निर्देश संबंधितांना देण्याची मागणी श्रीमती विद्या भांडेकर यांनी महापालिका प्रशासनाकडे केली आहे.
