नवी मुंबई : सप्टेंबरमध्ये जगभरात साजरा होणाऱ्या आंतरराष्ट्रीय बाल कर्करोग जागरुकता महिन्याचे औचित्य साधून नवी मुंबई महानगर पालिका व अक्सेस लाईफ असिस्टन्स फाउंडेशन यांच्या विधमाने बेलापूर येथील नवी मुंबई महानगरपालिकिच्या मुख्यालय सोनेरी प्रकाशात प्रकाशित करून साजरा करण्यात आला आहे.
यावेळी महापालिका व वैध्यकीय अधिकारी डॉ प्रशांत जवादे, सेवाभावीसंस्था अध्यक्ष गिरीश नायर, विद्या कांबळे व पालिका अधिकारी उपस्थित होते.
बालपणातील कर्करोग बरा होऊ शकतो हा संदेश पसरविण्यासाठी आणि या आजाराशी लढणाऱ्या मुलांशी आणि कुटुंबांशी एकता दर्शविण्यासाठी ॲक्सेस लाइफ असिस्टन्स फाउंडेशनच्या नेतृत्वाखालील हा उपक्रम तिसऱ्यांदा आयोजित करण्यात आला होता.
सप्टेंबर हा कर्करोगाने ग्रस्त मुलांना आणि त्यांच्या काळजीवाहूंना ओळखण्याचा आणि त्यांना पाठिंबा देण्याचा काळ आहे. जागतिक स्तरावर ७०-९० % बाल कर्करोग बरे होऊ शकतात, परंतु मर्यादित जागरुकता आणि मदत मिळण्यास उशीर झाल्यामुळे भारतात जगण्याचा दर फवत ४०-४५% आहे. ॲक्सेस लाइफ असिस्टन्स फाउंडेशन स्वच्छ गृहनिर्माण, पौष्टिक जेवण, वाहतूक, शिक्षण, समुपदेशन, समग्र काळजी आणि या आजाराबद्दल जागरुकता वाढवून ही तफावत भरुन काढण्यासाठी काम करत आहे.
“अनेक लोकांना हे माहित नसते की सोन्याचा रंग हा बालपणातील कर्करोगाचे प्रतिनिधत्व करतो किंवा बहुतेक बालपणीचे कर्करोग बरे होऊ शकतात,” असे ॲक्सेस लाइफ असिस्टन्स फाउंडेशनचे संस्थापक गिरीश नायर म्हणाले, “महत्त्वाच्या इमारतींना प्रकाश देऊन, आम्ही हा संदेश पसरवू, लोकांना अधिक जाणून घेण्यास प्रोत्साहित करु आणि बाधित मुलांसाठी आणि त्यांच्या कुटुंबांसाठी मजबूत आधार निर्माण करु अशी आशा करतो. दरवर्षी, आम्हाला अधिक जागरुकता दिसते आणि आम्हाला विश्वास आहे की ही गती अशीच सुरु राहील.”
गेल्या काही वर्षात, स्वयंसेवी संस्थेने सप्टेंबरमध्ये कर्करोगग्रस्त मुलांच्या समर्थनार्थ समुदायांना एकत्र करण्यासाठी “ढिशूम टू कॅन्सर” सोशल मीडिया मोहीम आणि बाईक रॅलीसह अनेक जागरुकता उपक्रम आयोजित केले आहेत.
२०१४ मध्ये स्थापन झालेली, ॲक्सेस लाईफ असिस्टन्स फाउंडेशन (www.accesslife.org) ही एक नोंदणीकृत भारतीय स्वयंसेवी संस्था आहे जी कर्करोगाशी झुंजणाऱ्या मुलांना आणि त्यांच्या कुटुंबियांना मोफत अंतरिम स्वच्छताविषयक निवास, पौष्टिक जेवण, वाहतूक, शिक्षण, समुपदेशन आणि समग्र मदत पुरवते, तर टाटा मेमोरियल हॉस्पिटल आणि इतर सार्वजनिक रुग्णालयांमध्ये उपचार दिले जातात. संस्थेचा विस्तार मुंबई (४), पुणे, बेंगळुरु, मणिपाल, चंडीगड, अहमदाबाद, कोइम्बतूर आणि मदुराई येथे ११ केंद्रांमध्ये झाला आहे, तर सिलचर (आसाम) आणि नोएडा येथेही केंद्रे येत आहेत. सध्या, ॲवसेस लाइफ एका वेळी १८७ कुटुंबांना सामावून घेतले आणि स्थापनेपासून ९,००० हून अधिक लाभार्थ्यांना मदत केली असल्याचे सांगण्यात आले आहे. सर्व कुटुंबांना मोफत खर्चाशिवाय.
अधिक माहितीसाठी, देणग्यांसाठी किंवा आमच्या केंद्रांना भेट देण्यासाठी, कृपया आमच्याशी ८०८०२२२३७७ या क्रमांकावर वर संपर्क साधावा, असे आवाहन गिरीष नायर यांनी केले आहे.
सेवाभावी संस्थेचे वतीने दरवर्षी बाल कर्करोग बद्दल जनजागृती व्हावी व समाजात चांगला संदेश देण्यासाठी हा उपक्रम राबविण्यात येत असल्याचे महापलिका विभागाचे वैद्यकीय अधिकारी डॉ प्रशांत जवादे यांनी सांगितले.
