नवी मुंबई : महापालिकेच्या वतीने गुरुवार, दि. १९ फेब्रुवारी रोजी छत्रपती शिवाजी महाराज यांच्या जयंती उत्सव समारंभ अत्यंत उत्साहात साजरा होत आहे. यानिमित्त सकाळी ९ वाजता वाशी येथील छत्रपती शिवाजी महाराज चौकातील छत्रपती शिवाजी महाराज यांच्या अश्वारूढ पुतळ्यास तसेच सकाळी ९.३० वाजता सेक्टर १ नेरूळ येथील छत्रपती शिवाजी महाराज यांच्या सिंहासनारूढ पुतळ्यास महापौर श्रीम.सुजाता सुरज पाटील यांच्या हस्ते पुष्पमालिका अर्पण करून अभिवादन करण्यात येणार आहे. त्याचप्रमाणे महापालिका मुख्यालयात सकाळी १० वाजता छत्रपती शिवरायांचे प्रतिमापूजन करण्यात येणार आहे. यावेळी उपमहापौर, आयुक्त व इतर मान्यवर उपस्थित राहणार असून नागरिकांनीही शिवप्रभूंना अभिवादन करण्यासाठी आवर्जून उपस्थित रहावे असे आवाहन करण्यात येत आहे.
वाशी, नेरूळ येथील छत्रपती शिवरायांच्या पुतळ्यास महापौर सुजाता पाटील करणार अभिवादन
