नवी मुंबई : महापालिका प्रशासनातील घनकचरा व्यवस्थापणात काम करणाऱ्या नाका कामगारांची सेवा महाराष्ट्र कर्मचारी युनियनच्या पाठपुराव्यामुळे कायम झाल्याने कामगारांकडून शिवजयंती उत्साहात साजरी करण्यात आली. कामगारांकडून सेवा कायम झाल्याने कामगार नेते व महाराष्ट्र कर्मचारी युनियनचे अध्यक्ष रवींद्र सावंत यांचे आभार मानून त्यांचा यावेळी सत्कारही करण्यात आला.
अॅंथोनी वेस्ट हॅंडलिंग सेल लिमिटेड या कंपनीच्या माध्यमातून नाका कामगार गेली सहा महिने घनकचरा विभागामध्ये काम करत होते. या सर्व नाका कामगारांची सेवा कायम व्हावी यासाठी महाराष्ट्र कर्मचारी युनियनच्या माध्यमातून कामगार नेते रविंद्र सावंत यांनी महापालिका प्रशासनाकडे सातत्याने पाठपुरावा केला होता. निदर्शनेही केली होती. शिवजयंतीच्या मुहूर्तावरच या नाका कामगारांची सेवा कायम झाल्याने कायम झाल्याने कामगारांनी जल्लोष साजरा केला. कोपरखैराणे पार्किंग परिसरात या कामगारांकडून शिवजयंती साजरी करण्यात आली. यावेळी महाराष्ट्र कर्मचारी युनियनचे युनिट अध्यक्ष रवी राठोड, कंपनीचे व्यवस्थापक भोसले व कर्मचारी मोठ्या संख्येने उपस्थित होते.
महाराष्ट्र कर्मचारी युनियनच्या पाठपुराव्यामुळे नाका कामगारांची सेवा कायम
