गुढीपाडव्यानिमित्त नेरूळमध्ये मातृभूमी प्रतिष्ठानची शोभायात्रा

नवी मुंबई : गुढीपाडव्यानिमित्त गुरुवारी नेरूळ पश्चिम परिसरात मातृभूमी प्रतिष्ठान, नेरूळच्या वतीने शोभायात्रेचे आयोजन करण्यात आले आहे.
सांयकाळी ५ वाजता नेरूळ सेक्टर १० मधील साईबाबा हॉटेललगतच्या स्वा. सावरकर चौकापासून या शोभायात्रेला सुरुवात होणार असून सहकार बझार, श्री. गणेश शिव मंदिर – सारसोळे,पूनम टॉवर, सेक्टर १२ मधील गांवेवी मंदिर ते सेक्टर १० मधील गुडविल बिल्डींग मार्गे ही शोभायात्रा नेरूळ पश्चिम परिसरात निघणार आहे. सेक्टर २० येथील दुर्गामाता मंदिराजवळ या शोभायात्रेचा समारोप होणार आहे. नवी मुंबईच्या महापौर सौ. सुजाताताई पाटील आणि नगररचना विभागाकडील कामकाजासंर्दभातील समितीचे सभापती सूरज पाटील यांच्या सौजन्याने ही शोभायात्रा काढण्यात येणार आहे. संस्कृतीचा, परंपरेचा उत्सव जपण्यासाठी काढण्यात येणाऱ्या शोभायात्रेमध्ये नेरूळ नोडमधील रहिवाशांनी मोठ्या संख्येने सहभागी व्हावे, असे आवाहन महापौर सौ. सुजाताताई पाटील यांनी केले आहे.