नवी मुंबई : नेरूळ सेक्टर आठमधील साहेबराव भाऊसाहेब शेरे उद्यान व राजर्षी छत्रपती शाहू महाराज उद्यानात लिटरबीन (कचऱ्याची पेटी) बसविण्याची लेखी मागणी युवा सेनेचे नवी मुंबई जिल्हा सरचिटणीस निखिल मांडवे यांनी महापालिका आयुक्तांकडे केली आहे.
नेरूळ सेक्टर आठ परिसरात महापालिकेचे साहेबराव भाऊसाहेब शेरे उद्यान व राजर्षी छत्रपती शाहू महाराज उद्यान अशी दोन उद्याने आहेत. या उद्यानात स्थानिक परिसरातील तसेच सभोवतालाच्या परिसरातील रहिवाशी चालण्यासाठी, व्यायामासाठी येत असतात. या उद्यानात लीटरबीनची (कचऱ्याची पेटी) सुविधा नसल्याने स्थानिक रहीवाशांची गैरसोय होत आहे. उद्यानात कचरा पडू नये, स्वच्छता असावी, बकालपणा येवू नये यासाठी महापालिका प्रशासनाने नेरूळ सेक्टर आठमधील साहेबराव भाऊसाहेब शेरे उद्यान व राजर्षी छत्रपती शाहू महाराज उद्यानात लिटरबीन (कचऱ्याची पेटी) बसविण्याचे संबंधितांना निर्देश देण्याची मागणी निखिल मांडवे यांनी महापालिका आयुक्तांकडे केली आहे.
