नवी मुंबई : भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या जयंतीनिमित्ताने जुईनगरमध्ये विविध कार्यक्रमाचे आयोजन करण्यात आले आहे. १३ व १४ एप्रिल रोजी क्रांतीसूर्य सामाजिक प्रतिष्ठान संलग्न डॉ. बाबासाहेब आंबेडकर जयंतीमहोत्सव, जुईनगर यांच्यावतीने या कार्यक्रमांचे आयोजन करण्यात आले आहे.
ठाण्याचे खासदार नरेश म्हस्के या कार्यक्रमास प्रमुख पाहूणे म्हणून उपस्थित राहणार आहेत. १३ एप्रिल रोजी महाराष्ट्राचा महागायक अरविंद मोहिते यांच्या ऑर्केस्ट्राचे आयोजन करण्यात आले आहे. १४ एप्रिल रोजी सकाळी १० वाजता डॉ. बाबासाहेब आंबेडकरांच्या प्रतिमेचे पूजन करण्यात येणार आहे. या कार्यक्रम आयोजनात दि बुद्धिस्ट सोसायटी ऑफ इंडिया, आदर्श शाखा जुईनगर, बौद्धजन पंचायत समिती शाखा क्रं ६९८ व रमाई महिला मंडळ जुईनगर या संस्था सहभागी होणार आहे. या कार्यक्रमात जुईनगर व नेरूळमधील रहिवाशांनी मोठ्या संख्येने सहभागी व्हावे, असे आवाहन कार्यक्रमाचे आयोजक रविंद्र सावंत व त्यांच्या सहकाऱ्यांनी केले आहे.
