स्वयंम न्युज ब्युरो : Navimumbailive.com@gmail.com
नवी मुंबई : नवी मुंबई शहरातील महापालिकेच्या शहरी आरोग्यवर्धिनी केंद्राच्या ‘पोर्टा केबिन’चे लोकार्पण करण्याची मागणी युवा सेनेचे नवी मुंबई जिल्हा सरचिटणिस निखिल मांडवे यांनी महापालिका आयुक्त डॉ. कैलास शिंदे यांच्याकडे लेखी निवेदनातून केली आहे.
नवी मुंबई महापालिका कार्यक्षेत्रात महापालिका प्रशासनाने २० हून अधिक ठिकाणी शहरी आरोग्यवर्धिनी केंद्र ‘पोर्टा केबिन’ बसविले आहेत. नवी मुंबईकरांना आरोग्य सुविधा उपलब्ध करुन देण्यासाठी पालिका प्रशासनाच्या आरोग्य विभागाने हा स्तुत्य निर्णय आहे. पोर्टा केबिन केवळ बसवून कार्य संपत नाही, त्याचा जनतेला उपयोग होणे आवश्यक आहे. त्यामुळे जनतेच्या आरोग्यसुविधेसाठी या पोर्टा केबिनचे लवकरात लवकर लोर्कापण न झाल्यास शिवसेना स्टाईलने या पोर्टा केबिनचे उद्घाटन करण्यात येईल, नवी मुंबईकरांच्या आरोग्यहितासाठी शिवसेनेला आक्रमक व्हावे लागेल. त्यामुळे संबंधितांना या २० पोर्टा केबिनचे लोकार्पंण करण्याचे संबंधितांना निर्देश देण्याची मागणी निखिल मांडवे यांनी महापालिका आयुक्तांकडे केली आहे.
