नवी मुंबई : नेरूळ सेक्टर आठमधील कै. ज्ञानेश्वर शेलार ग्रंथालयाची नव्याने पुर्नबांधणी करण्याची युवा सेनेचे नवी मुंबई जिल्हा सरचिटणिस निखील मांडवे यांनी महापालिका आयुक्त डॉ. कैलास शिंदे यांच्याकडे केली आहे.
नेरूळ सेक्टर आठ परिसरात कै. ज्ञानेश्वर शेलार ग्रंथालय आहे. या ग्रंथालयात नेरूळ सेक्टर ८, ६, सारसोळे गाव, १०, २ या परिसरातून मुले अभ्यासाला येतात. मुलांची वाढती संख्या पाहता ग्रंथालयाची जागा कमी पडत आहे. महापालिकेच्या पहिल्या सभागृहात महापालिकेने या ग्रंथालयाची निर्मिती झालेली आहे. या बांधकामाला जवळपास तीन दशकाचा कालावधी लोटला आहे. त्यामुळे विद्यार्थ्यांची गरज व पालकांची मागणी लक्षात घेता हे ग्रंथाल पाडून नव्याने विस्तिर्ण ग्रंथालय बांधाण्याची मागणी युवा सेनेचे निखिल मांडवे यांनी महापालिका आयुक्तांकडे केली आहे.
तत्कालीन नगरसेविका सौ. सुनिता रतन मांडवे यांनीही त्यांच्या कार्यकाळात या ग्रंथालयाची नव्याने पुनर्बांधणी करण्यासाठी पालिका प्रशासनाकडे सातत्याने पाठपुरावा करत विद्यार्थ्यांची होत असलेली गैरसोय पालिका प्रशासनाच्या निदर्शनास आणून दिली असल्याचे निखिल मांडवे यांनी निवेदनात म्हटले आहे.
