नवी मुंबई : नेरूळ रेल्वे स्टेशनसमोरील पश्चिमेच्या बाजूकडील वाहनतळामधील सुकलेल्या झाडाची तळापासून छाटणी तातडीने करण्याची लेखी मागणी संदीप खांडगेपाटील यांनी महापालिका आयुक्तांकडे एका निवेदनातून केली आहे.
नेरूळ रेल्वे स्टेशनलगतच पश्चिमेच्या बाजूला वाहनतळ आहे. या वाहनतळामध्ये एक झाड सुकलेल्या अवस्थेत आहे. मुसळधार पावसात व वाऱ्यामध्ये ते झाड कधीही कोसळण्याची शक्यता आहे. या वाहनतळामध्ये वाहने ठेवलेली असतात. वाहनांची ये-जा असते. झाड कोसळ्यास वाहनांची हानी तसेच वाहनचालकांना इजा अथवा तिथे खेळणाऱ्या लहान मुलांनाही दुखापत होण्याची भीति आहे. वेळ पडल्यास जिवितहानीही होण्याची शक्यता नाकारता येत नाही. आपणास संबंधित झाडाची छायाचित्रे पाठवित आहोत. गांभीर्य निदर्शनास येईल. झाड तातडीने मुळापासून छाटण्याचे निर्देश देण्याची मागणी संदीप खांडगेपाटील यांनी केली आहे.