शिवसेनेच्या सुनिकेत हांडेपाटील यांचे परिवहनला साकडे
अनंतकुमार गवई : Navimumbailive.com@mail.com
नवी मुंबई : कौपरखैराणेतील अनेक बसथांब्यावर पॅनल नसल्याने पावसाळ्यात प्रवाशांना अडचणींचा सामना करावा लागत असल्याने या बसथांब्यांवर तातडीने पॅनल बसविण्याची मागणी शिवसेनेच्या सुनिकेत हांडेपाटील यांनी परिवहन विभागाकडे एका निवेदनातून केली आहे.
कोपरखैराणे नोडमधील सेक्टर १४,१६,१७,२२ आणि २३ मधील अनेक बसथांब्यांना पॅनल नाहीत. बसथांब्यावर बसची प्रतिक्षा करणाऱ्या प्रवाशांना पावसामध्ये भिजावे लागत आहे. पॅनल नसल्याने प्रवासी बसण्याच्या बाकड्यावरच थेट पाणी पडत असल्याने थांब्याऐवजी प्रवाशांना बससाठी रस्त्यावर उभे राहावे लागत आहे. त्यामुळे या बसथांब्यावर तातडीने पॅनल बसविण्यासाठी शिवसेनेच्या सुनिकेत हांडेपाटील यांनी परिवहन महाव्यवस्थापक जंगले यांना निवेदन सादर केले. यावेळी परिवहनचे मुख्य वाहतूक अधिकारी सुनील साळुंखे उपस्थित होते. जंगले यांनी यावेळी पॅनलच्या समस्येचे निवारण करण्याचे आश्वासन दिले.
