जुन्नरकर वृत्तसेवा : Navimumbailive.com@gmail.com
ग्रामपंचायत सदस्य प्रमोद कडू यांच्या पुढाकाराला यश; गणेशोत्सवापूर्वी रस्त्यांची डागडुजी पूर्ण
पनवेल : जावळे गावातील खड्ड्यांनी अक्षरशः हैराण झालेल्या ग्रामस्थांना अखेर मोठा दिलासा मिळाला आहे. भाजपा नेते प्रितम म्हात्रे यांच्या सातत्यपूर्ण पाठपुराव्यामुळे गावातील रस्त्यांचे काम पूर्ण होऊन जावळे गाव खड्डेमुक्त झाले आहे.
जावळे गावातील रस्त्यांची बिकट अवस्था ग्रामपंचायत सदस्य प्रमोद कडू यांनी प्रितम म्हात्रे यांच्या निदर्शनास आणून दिली होती. गणेशोत्सवाच्या पार्श्वभूमीवर रस्त्यांची दुरवस्था अधिक गंभीर होण्याची शक्यता लक्षात घेऊन म्हात्रे यांनी संबंधित ग्रामसेवक, शासकीय अधिकारी आणि जिल्हा परिषद अधिकाऱ्यांकडे सातत्याने पाठपुरावा करून कामाला गती दिली.
म्हात्रे यांच्या प्रयत्नांना यश येत गणेशोत्सवापूर्वीच रस्त्यांचे काम पूर्ण करण्यात आले. त्यामुळे गणेशोत्सवाच्या काळात ग्रामस्थ तसेच भाविकांची होणारी गैरसोय टळली आहे.
ग्रामस्थांच्या जिव्हाळ्याचा प्रश्न प्रशासनाकडे लावून धरत तो मार्गी लावल्याबद्दल प्रितम म्हात्रे आणि या प्रश्नाचा पाठपुरावा करणारे ग्रामपंचायत सदस्य प्रमोद कडू यांचे ग्रामस्थांनी आभार मानले.
