मुंबई : दुष्काळसदृश्य परिस्थितीचा मत्स्यव्यवसायावर होणारा परिणाम गंभीरपणे घेत मत्स्य तलाव, जलाशय आणि जलस्रोतांची तातडीने प्रत्यक्ष पाहणी करून वस्तुनिष्ठ अहवाल सादर करण्याचे निर्देश मत्स्यव्यवसाय व बंदरे मंत्री नितेश राणे यांनी दिले.
‘ट्रिगर-१’मध्ये येणाऱ्या तालुक्यांमध्ये जलसाठ्याची स्थिती, मत्स्य उत्पादनातील संभाव्य घट आणि मच्छिमारांच्या उपजीविकेवर होणारा परिणाम याची अचूक माहिती संकलित करण्याच्या सूचना राणे यांनी अधिकाऱ्यांना दिल्या.
अपुरा पाऊस व घटलेल्या पाणीसाठ्यामुळे मत्स्यबीज संचयन आणि मत्स्योत्पादनावर परिणाम होण्याची शक्यता आहे. या पार्श्वभूमीवर संबंधित अधिकाऱ्यांनी जिल्हाधिकाऱ्यांच्या संपर्कात राहून परिस्थितीचा अहवाल तातडीने सादर करावा आणि आवश्यक उपाययोजनांसाठी विभागाने सज्ज राहावे, असे राणे यांनी स्पष्ट केले.
