अनुराग वैद्य
नवी मुंबई : नेरूळ सेक्टर १९ मध्ये जनकल्याण मित्र मंडळाच्यावतीने १८ व्या वर्षीचा यंदाचा नवरात्रौत्सव भव्य प्रमाणात साजरा केला जात असून मंडळाचे संस्थापक अध्यक्ष रविंद्र इथापे यांच्या मार्गदर्शनाखाली हा नवरात्रौत्सव साजरा करण्यात येत आहे.
प्रसिध्द मुर्तीकार दिलीप भोईर यांनी बनविलेली साडे सहा फुटी अतिशय मनमोहक अशी अंबे मातेची मुर्ती भाविकांसाठी आकर्षणाचा व श्रध्देचा विषय बनली आहे. सर्व परिसराला करण्यात आलेली विद्युत रोषणाई भाविकांचे लक्ष वेधून घेत आहे. नवसाला पावणारी देवी असल्याने दरवर्षी मोठ्या संख्येने नवस फेडण्यासाठी या ठिकाणी येत असतात. १ ऑक्टोबर रोजी हिंदी चित्रपट कलावंत शक्ति कपूर देवीच्या दर्शनासाठी व उत्सवात सहभागी होण्यासाठी येत आहेत.
नवरात्रौत्सवामध्ये गणेश नाईक, आमदार संदीप नाईक, माजी खासदार संजीव नाईक, नवी मुंबईचे महापौर सागर नाईक, महापालिका आयुक्त आबासाहेब जर्‍हाड, नगरसेवक, पक्षीय पदाधिकारी, विषय समित्यांचे सभापती या नवरात्रौत्सवात सहभागी होणार आहेत. हा नवरात्रौत्सव यशस्वी करण्यासाठी मंडळाचे संस्थापक अध्यक्ष रविंद्र इथापे,प्रवीण जैन, राहूल इथापे, रविंद्र हांडे, जयवंत दातखिळे, डी.जी.पाटील, सचिन कुटे, रंगराव पाटील यांच्यासह मंडळाचे अन्य पदाधिकारी व कार्यकर्ते परिश्रम घेत आहेत.
नेरूळ पूर्वेला जनकल्याणच्या दांडीयाची धूम
