गोठ्याला लागलेल्या आगीत दाम्पत्याचा मृत्यू

उस्मानाबाद : उस्मानाबाद येथे गोठ्याला आग लागली असून या आगीत दाम्पत्याचा होरपळून मृत्यू झाल्याची घटना बुधवारी पहाटे घडली.
सखाराम शेळके आणि शकुंतला शेळके या दाम्पत्यांचा या आगीत होरपळून मृत्यू झाला. उस्मानाबादमधील कळंब तालुक्यातील खामसवाडीत हे दाम्पत्य राहत होते.
बुधवारी पहाटे गोठ्याला अचानक भीषण आग लागली. यामध्ये शेळी आणि शेतीसाठी लागणारे साहित्यही जळून खाक झाले. ही आग शॉर्ट सर्किटमुळे लागल्याचा प्राथमिक अंदाज वर्तवण्यात येत आहे.