भंगार अवस्थेतील वाहने हटविण्याची मागणी

सुजित शिंदे : 9619197444
नवी मुंबई : नेरूळ सेक्टर सहा व कुकशेत गाव परिसरातील रस्त्यावर भंगार अवस्थेत पडलेली वाहने तात्काळ हटविण्याची लेखी मागणी राष्ट्रवादी युवक काँग्रेसचे नवी मुंबई जिल्हाध्यक्ष व नगरसेवक सुरज पाटील यांनी महापालिका प्रशासनाकडे केली आहे.
कुकशेत गाव, नेरूळ सेक्टर 14च्या मागील रस्त्यावर, सेक्टर 6मधील बालाजी सोसायटी, मेट्रो पोलीस सेक्टर 6, गृहनिर्माण सोसायटीसमोरील भंगारात पडलेली वाहने वर्षानुवर्षे तशीच पडून आहेत. त्यामुळे या परिसराला बकालपणा आलेला असल्याची नाराजी सुरज पाटील यांनी निवेदनात व्यक्त केली आहे.
नेरूळ पालिका विभाग अधिकार्‍यांना लेखी निवेदन सादर करून ती वाहने तात्काळ हटवून परिसराला आलेला बकालपणा संपुष्ठात आणण्याची मागणी सुरज पाटील यांनी केली आहे.