पाकमधील सिनेमागृहाची भारतीय चित्रपटांवर बंदी

“सुपर सिनेमा‘चे पाकमधील लाहोर शहरात तीन मल्टिप्लेक्‍स सिनेमागृहे आहेत. आम्ही पाकिस्तानचे लष्कर आणि पाक कलावंतांसोबत असल्याने आमच्या सिनेमागृहात अनिश्‍चित कालावधीसाठी तातडीने भारतीय चित्रपट दाखविणार नसल्याचे पोस्टमध्ये म्हटले आहे. तसेच पाकिस्तानमधील इतर चित्रपटगृृहांनीही भारतीय चित्रपटांचे प्रदर्शन थांबवावे, असे आवाहनही पोस्टमधून करण्यात आले आहे. “आम्ही पाकिस्तानमधील केबल टीव्हीसह पाकमधील सर्व दूरदर्शन वाहिन्यांना आवाहन करतो की त्यांनी भारतीय कंटेंट प्रसारित करू नये. तसेच भारतीय चित्रपटांच्या डीव्हीडी, सीडींची विक्रीही थांबविण्यात यावी. जापेर्यंत भारत आणि पाकिस्तानमधील संबंध सर्वसामान्य होत नाहीत तोपर्यंत अशाप्रकारे निषेध करावा‘, असे आवाहन “सुपरसिनेमा‘ने केले आहे. याशिवाय पाक सरकारकडे पाकिस्तानी कलाकारांना संपूर्ण सुरक्षा पुरविण्याची विनंतीही केली आहे.