साईनाथ भोईर
नवी मुंबई : सानपाडा येथील माध्यमिक विद्यालय विवेकानंद संकुल माजी विद्यार्थी महासंघाचे अध्यक्ष व सानपाडा युथ फाउंडेशनचे संस्थापक खजिनदार व दिवंगत सामाजिक कार्यकर्ते स्वर्गीय सुबोध गडेकर यांचे मुंबई येथील जे.जे.रुग्णालयात उपचार सुरु असताना रविवार दि.26 फेब्रुवारी रोजी सकाळी साडे नऊ वाजता दु:खद निधन झाले.दिवाळी पहाट या उपक्रमाअंतर्गत दरवर्षी आदिवासी भागातील गोरगरीब मुलांना फराळ,शालेय साहित्य,कपडे आदी वस्तूंचे वाटप, रक्तदान शिबिर यांसारख्या अनेक उपक्रमातून सुबोध गडेकर यांनी लोकांची मने जिंकली होती.सर्वसामान्यांच्या प्रश्नांशी नाळ असलेला हजरजबाबी व कायम गरिबांसाठी झगडणारा सामाजिक कार्यकर्ता म्हणून सुबोध गडेकर यांची ओळख होती. आपल्या लाडक्या मित्राला भावपूर्ण श्रद्धांजली अर्पण करण्यासाठी माध्यमिक विद्यालय विवेकानंद संकुल माजी विद्यार्थी महासंघ व सानपाडा युथ फाउंडेशन यांच्या संयुक्त विद्यमाने सर्व पक्षीय शोकसभेचे आयोजन करण्यात आले आहे.यावेळी सुबोध गडेकर यांच्या स्मृतींना वंदन करण्यासाठी सर्वपक्षीय पदाधिकारी, विविध संस्था विश्वस्त, विविध पक्षाचे कार्यकर्ते,समाजातील सर्व घटक, शैक्षणिक, सामाजिक,सांस्कृतिक व धार्मिक क्षेत्रातील मान्यवरांनी मोठ्या संख्येने उपस्थित रहावे असे आवाहन माध्यमिक विद्यालय विवेकानंद संकुल माजी विद्यार्थी महासंघ व सानपाडा युथ फाउंडेशनच्या वतीने करण्यात आले आहे.
ठिकाण – माध्यमिक विद्यालय विवेकानंद संकुल,सानपाडा.
वेळ – सायंकाळी 5:30 वाजता.
तारीख – शनिवार,दि.4 मार्च 2017.
