मुंबई : दादर चौपाटी येथे माहीममधील तीन शाळकरी मुले समुद्रात बुडाली असून हे तिघेही धारावी येथील पालिका शाळेतील विद्यार्थी असल्याची प्राथमिक माहिती हाती आली आहे.
भारत, रोहित आणि अनुप अशी या मुलांची नावे आहेत. हे तिघेही दादर चौपाटीवर फिरायला गेले होते. दरम्यान, पाण्याचा अंदाज न आल्याने लाटांबरोबर हे तिघेही खोल पाण्यात ओढले गेले आणि बुडाले. यापैकी दोघांना बाहेर काढण्यात आलं असून त्यातील एकाचा मृत्यू झाला आहे तर दुसऱ्या मुलावर रुग्णालयात उपचार सुरू आहेत. तिसरा मुलगा बेपत्ता असून त्याचा शोध घेतला जात आहे.
