जुईनगर सेक्टर २४ येथील ओमकार, पंचरत्न, महालक्ष्मी, सिध्दीविनायक या सोसायट्यांना नवीन मल:निस्सारण वाहिन्या जोडून देण्याची मागणी

सुजित शिंदे : ९६१९१९७४४४
जुईगर सेक्टर २४ मधील ओमकार, पंचरत्न, महालक्ष्मी, सिध्दीविनायक या गृहनिर्माण सोसायट्यांमधील रहीवाशांना मल:निस्सारण वाहिन्यांच्या चोकअपमुळे होत असलेल्या त्रासाकडे महापालिका आयुक्तांचे लक्ष वेधताना कॉंग्रेसचे रोजगार व स्वंयरोजगारचे नवी मुंबई जिल्हाध्यक्ष आणि इंटकचे नवी मुंबई अध्यक्ष रवींद्र सावंत यांनी संबंधित सोसायटीमध्ये आरोग्याचा प्रश्‍न निर्माण झाल्याने तातडीने नवीन मलीनस्सारण वाहिन्या जोडून देण्याची लेखी मागणी केली आहे.
या गृहनिर्माण सोसायट्यांमध्ये अल्प व मध्य उत्पन्न गटातील रहीवाशी वास्तव्य करत असून मल;निस्सारण वाहिन्यांच्या गळतीमुळे त्यांच्या आरोग्यास धोका निर्माण झालेला आहे. या गृहनिमार्र्ण सोसायट्यांच्या प्रवेशद्वारालगतच तसेच सभोवतालच्या परिसरात मल:निस्सारण वाहिन्या या अरूंद असून ही वाहिनी सातत्याने चोकअप होत आहे. ही वाहिनी जमिनीमध्ये दहा ते फूट खोल असुन महापालिकेच्या संबंधित कामगारांना या मल:निस्सारण वाहिनीची साफसफाई करणे त्रासदायक ठरत असल्याचे रवींद्र सावंत यांनी महापालिका आयुक्तांच्या निदर्शनास आणून देण्याचा प्रयत्न केला आहे.
या मल:निस्सारण वाहिन्या चोकअप होवून तुंबलेले पाणी बाहेर पडते. या पाण्यामध्ये मलमूत्र, दुर्गंधी यामुळे स्थानिक रहीवाशांना वावरणे अवघड झाले असून त्यांच्या आरोग्यालाही धोका निर्माण झालेला आहे. या परिसरात मंगलप्रभू हॉस्पिटलजवळ मोठ्या व्यासाची मल:निस्सारण वाहिनी आहे. या चारही सोसायट्यांना जोडण्यात आलेली मल:निस्सारण वाहिनी सोसायट्यांच्या पाठीमागील बाजूने काढून मंगलप्रभू हॉस्पिटलच्या वाहिनीला जोडल्यास या रहीवाशांची समस्या कायमस्वरूपी संपुष्ठात येणार असल्याचे रवींद्र सावंत यांनी निवेदनात म्हटले आहे.
मल:निस्सारण वाहिन्या चोकअप झाल्याने सोसायटी सभोवतालच्या परिसरालाही बकालपणा असून नागरिकांना नाक मुठीत ठेवून अनेकदा ये-जा करावी लागत आहे. रहीवाशांच्या आरोग्यावरच प्रश्‍नचिन्ह निर्माण झाल्यानेे समस्येचे गांभीर्यही आयुक्तांच्या तात्काळ निदर्शनास येईल. आयुक्तांनी स्वत: या ठिकाणी येवून समस्येची खातरजमा करून घेण्याची मागणी रवींद्र सावंत यांनी केली आहे.