नवी मुंबई : कोपर खैरणे येथे राहणाऱ्या 45 वर्षीय महिलेने वाशी खाडीपूलावरून उडी मारून आत्महत्येचा प्रयत्न केला. रविवारी दुपारी हा प्रकार घडला. यावेळी पुलाखाली खाडीमध्ये मासेमारी करणाऱ्या वाशी गावातील राजू जोशी, पुंडलिक भगत, दत्ता भोईर आदी मच्छिमारांनी हा प्रकार पाहिला. त्यांनी तात्काळ घटनास्थळी बोट नेवून पाण्यात बुडत असलेल्या महिलेला बोटीत खेचून तिचे प्राण वाचवले.
दरम्यान, चौकशीत कौटुंबिक वादातून त्यांनी हा प्रकार केल्याचे सांगितले. त्यानुसार सदर महिलेला कुटुंबियांच्या ताब्यात देण्यात आले आहे.
यापूर्वीही पामबीच मार्गालगत असणाऱ्या सारसोळे खाडीअंर्तगत भागात अशा अनेक आत्महत्येच्या व जळीताच्या घडल्या आहेत. बामनदेव मार्गावरून आतमध्ये गेल्यावर गोवंडी, मानखुर्द, चेंबूर भागातीलच लोकांनी या ठिकाणी येवून आत्महत्या केल्याचे उघडकीसही आले आहे.
