स्वयंम न्युज ब्युरो : navimumbailive.com@gmail.com
नवी मुंबई : महाराष्ट्र नवनिर्माण सेना नवी मुंबई शहराच्या वतीने पाच शाखांच्या उद्घाटनासाठी २८ जुलै रोजी अमित ठाकरे उपस्थित राहणार असून सीवूड्स, तुर्भे, कोपरखैरणे व घणसोली येथे मनसेच्या शाखांची उद्घाटने होणार आहेत. नवी मुंबईत मनसेची संघटना बांधणी तळागळापर्यंत पोहोचलेली आहे. सर्वसामान्य जनता दररोज मनसेच्या माध्यमातून त्यांच्या नागरी समस्या मार्गी लावत आहेत. याच धर्तीवर मनसेच्या विभागाविभागात शाखा सुरु करण्याचा कार्यक्रम हाती घेतल्याचे शहर अध्यक्ष गजानन काळे यांनी प्रसिद्धीपत्रकात म्हटले आहे.
२८ जुलै रोजी अमित ठाकरे हे सायंकाळी ६ वाजता सीवूड्स येथे विभाग अध्यक्ष अमोल आयवळे यांच्या शाखेचे उद्घाटन करून, ७ वाजता तुर्भे येथे उपशहर अध्यक्ष विनोद पार्टे यांच्या शाखेचे उद्घाटन करतील. त्यांनतर ०७.३० वाजता सेक्टर-१५ कोपरखैरणे येथे सचिव सचिन आचरे यांच्या शाखेचे उद्घाटन करून, ०८.०० वाजता सेक्टर-२ कोपरखैरणे येथे शाखा अध्यक्ष चंद्रकांत डांगे यांच्या शाखेचे उद्घाटन करतील. त्यांनतर सायंकाळी ०८.३० वाजता घणसोली येथे उपशहर अध्यक्ष संदीप गलुगडे यांच्या शाखेचे उद्घाटन करून कार्यक्रमाची सांगता करतील. सदर प्रसंगी मनसे नेते राजू पाटील, अभिजित पानसे, ठाणे पालघर जिल्हाध्यक्ष अविनाश जाधव व नवी मुंबई शहर अध्यक्ष गजानन काळे उपस्थित राहणार आहेत.
याप्रसंगी मनसे शहर अध्यक्ष गजानन काळे यांनी नवी मुंबईकरांनी येणाऱ्या काळात त्यांच्या नागरी समस्या वरील मनसे शाखेत घेऊन येण्याचे आवाहन करत, महाराष्ट्र सैनिक नक्कीच या समस्यांचे निवारण करतील अशी ग्वाही प्रसिद्धीपत्रकाद्वारे दिली आहे.
