नवी मुंबई : बेलापुर विधानसभा मतदारसंघातील विद्यमान आमदार व भाजपच्या तसेच महायुतीच्या आमदार सौ. मंदाताई म्हात्रे यांच्या प्रचारासाठी सानपाडा येथील सौराष्ट्र पटेल हॉल येथे महायुतीचा मेळावा आयोजित करण्यात आला असल्याची माहिती भाजपा नेते विजय घाटे यांनी दिली.
पाच वर्षात भाजप सरकारने राज्यात तसेच केंद्रात केलेली कामे आणि आदरणीय आमदार मंदाताई म्हात्रे यांनी मागील ५ वर्षात केलेली विकासकामे व सातत्याने मतदारसंघात ठेवलेला जनसंपर्क या पार्श्वभूमीवर या निवडणूकीत मंदाताई म्हात्रे या ठाणे जिल्ह्यात विक्रमी मतांनी निवडून येणार असल्याचा दावा करत भाजपा नेते विजय घाटे यांनी १० ऑक्टोबर रोजी सांयकाळी ६ वाजता या सौराष्ट्र हॉल येथे महायुतीचा मेळावा आयोजित करण्यात आला असल्याचे सांगितले.
मतदानाला आता अवघ्या १३ दिवसाचा कालावधी राहीला असल्याने प्रचाराची दिशा ठरवावी, महायुतीचा प्रचार एकसंध व प्रभावीरित्या व्हावा, प्रचारात सुसूत्रता ठेवावी यासाठी हा महायुतीचा महत्वपूर्ण मेळावा असल्याने या मेळाव्यास महायुतीमधील सर्व पक्षाच्या पदाधिकाऱ्यांनी व कार्यकर्त्यांनी मोठ्या संख्येने उपस्थित राहावे असे आवाहन भाजपा नेते विजय घाटे यांनी केले आहे.
