आश्विनी भोईर
नवी मुंबई : शिवसेना विभागप्रमुख रतन मांडवे, प्रभाग ८७च्या नगरसेविका सौ. सुनिता रतन मांडवे आणि शिवसेना शाखाप्रमुख गणेश कुलकर्णी यांच्या माध्यमातून प्रभागातील नागरिकांकरीता २९ मार्चपासून स्वस्त दरात भाज्यांची व्यवस्था करून देण्यात आली आहे. प्रभागातील रहीवाशांना दिवसाआड शिवसेना शाखेकडून ही भाजीची व्यवस्था करून देण्यात येणार आहे.
कोरोनाच्या पार्श्वभूमीवर शिवसेना विभागप्रमुख रतन मांडवे, प्रभाग ८७च्या नगरसेविका सौ. सुनिता रतन मांडवे आणि शिवसेना शाखाप्रमुख गणेश कुलकर्णी यांच्या माध्यमातून प्रभागातील रहीवाशांना सातत्याने जनजागृती व प्रबोधन केले जात आहे. विभागातील रहीवाशांना सुरूवातीला ५७०० मास्क शिवसेना विभागप्रमुख रतन मांडवे, प्रभाग ८७च्या नगरसेविका सौ. सुनिता रतन मांडवे यांनी उपलब्ध करून दिले. त्यानंतर स्वखर्चाने शिवसेना विभागप्रमुख रतन मांडवे, प्रभाग ८७च्या नगरसेविका सौ. सुनिता रतन मांडवे प्रभागातील गृहनिर्माण सोसायट्यांच्या अंर्तगत भागात जंतुनाशक फवारणी करून घेतली. सोशल डिस्टनिंगचे गांभीर्य ओळखून विभागप्रमुख रतन मांडवे यांनी प्रभागातील दुकानांसमोर शिवसैनिकांच्या माध्यमातून पांढरे पट्टेही मारून घेतले आहेत. आता प्रभागातील रहीवाशांची भाज्यांबाबत गैरसोय होवू नये अथवा भाजीखरेदीत त्यांची लूटमार होवू नये यासाठी ही भाजीची व्यवस्था करून देण्यात आली आहे.
