नवी मुंबई : कोविड-१९ विरुद्ध लढण्यासाठी आयुष मंत्रालय नवी दिल्ली यांनी अरसेनिक अल्बम ३० हे होमिओपॅथिक औषध लोकांमध्ये प्रतिकारशक्ति वाढवण्यासाठी उपयुक्त आहे अशी शिफारस केलेली आहे त्या अनुषंगाने आपल्या प्रभागातील नागरिकांची रोगप्रतिकारक शक्ति वाढवण्यासाठीभाजप नगरसेविका सौ.रुपाली किस्मत भगत आणि जनसेवक गणेश भगत यांनी स्वखर्चानेरविवार, दिनांक १७ मेपासून नेरुळ सेक्टर-१६/१६ए/१८ परिसरातील नागरिकांना घरोघरी अरसेनिक अल्बम ३० होमिओपॅथिक औषधी गोळ्यांचे वाटप करायला सुरुवात करण्यात आली.
कोरोनाच्या पार्श्वभूमीवर परिसरातील नागरिकांमध्ये उत्साहवर्धक वातावरण निर्मिती होवून त्यांच्यात प्रतिकारशक्ती वाढावी आणि प्रभाग ९६ कोरोनामुक्त व्हावा यासाठी हे अभियान सुरू केले असल्याची माहिती जनसेवक गणेश भगत यांनी दिली. सदर कामी सागर मोहिते, अशोक गांडाल, विकास तिकोने, सूर्या पात्रा, राजेश घाडी, रविंद्र भगत यांनी विशेष सहकार्य केले.
