भास्कर जाधव
नवी मुंबई : नेरूळ पश्चिम नोडमधील समाजसेवक रवींद्र भगत यांनी आपला वाढदिवस सोमवारी (दि. १ जून) स्वत: रक्तदान करून साजरा करताना समाजापुढे एक आदर्श उक्तीतून नाही तर कृतीतून ठेवण्याचा प्रयत्न केला आहे.
नेरूळ नोडमधील प्रभाग ९६ व ९७ या दोन प्रभागात सामाजिक कामातून रवींद्र भगत यांनी आपला आगळावेगळा ठसा उमटवत आपले स्वतंत्र अस्तित्व निर्माण केले आहे. आज सकाळी त्यांनी सर्वप्रथम तेरणा रूग्णालयात जावून रक्तदान केले, त्यानंतर वाशीतील डिजायर सोसायटीतील लहान मुलांना चॉकलेट व बिस्किटचे वाटप करत त्या मुलांसमवेत आपला वाढदिवस साजरा केला. यावेळी दिवसभर त्यांचे मोठे बंधू गणेशदादा भगत हेही त्यांच्यासमवेत उपस्थित होते. त्यानंतर नेरूळ सेक्टर सहामधील गोदावरी सोसायटीत समाजसेवक मनोज मेहेर यांच्या जनसंपर्क कार्यालयात मनोज मेहेर मित्र परिवाराकडून रवींद्र भगत यांचा वाढदिवस उत्साहात साजरा करण्यात आला.
