नवी मुंबई : कोपरखैराणे नोडमधील महापालिका प्रभाग ४२ मधील सेक्टर १६, १७, २२, २३ मधील पदपथाची संततधार पावसाच्या पार्श्वभूमीवर ब्लिचिंग पावडर टाकून पालिका प्रशासनाने सफाई करण्याची मागणी समाजसेविका व भारतीय जनता पक्षाच्या कार्यकर्त्या सुनिता देविदास हांडेपाटील यांनी लेखी निवेदनातून महापालिका आयुक्त अण्णासाहेब मिसाळ यांच्याकडे केली आहे.
कोपरखैरणे प्रभाग ४२ मध्ये सेक्टर १६, १७, २२, २३ या विभागाचा समावेश होत असून गृहनिर्माण सोसायट्या तसेच बैठ्या चाळींचाही यात समावेश आले. सध्या पावसाळा सुरू झाला असून प्रभागातील सेक्टर १६, १७, २२, २३ विभागात असणाऱ्या पदपथांची महापालिका प्रशासनाने ब्लिचंग पावडर टाकून सफाई करावी, यासाठी समाजसेविका व भारतीय जनता पक्षाच्या कार्यकर्त्या सुनिता देविदास हांडेपाटील यांनी पालिका आयुक्तांना निवेदन दिले.
सध्या पावसाळ्याचे दिवस आहेत. संततधार पाऊस पडल्यावर पदपथावर शेवाळ साचून निसरडे होतात. पदपथावरून चालताना महिला, मुले, ज्येष्ठ नागरिक पाय घसरून पडतात. त्यांना जखमा होतात. जुलै, ऑगस्ट, सप्टेंबर या तीन महिन्यांमध्ये कोपरखैराणे सेक्टर १६, १७, २२, २३ परिसरातील सर्वच पदपथांची ब्लिचंग पावडर टाकून महिन्यातून तीन वेळा सफाई करण्यात यावी. ज्यायोगे संततधार पाऊस पडला तरी पदपथ निसरडे होणार नाहीत. कोणी चालताना घसरून पडणार नाही व जखमीही होणार नाही. संततधार पाऊस नुकताच चालू झाला आहे. समस्येचे गांभीर्य आपल्या निदर्शनास आणून देत असल्याने आपण गांभीर्य ओळखून कार्यवाही करावी अशी मागणी समाजसेविका व भारतीय जनता पक्षाच्या कार्यकर्त्या सुनिता देविदास हांडेपाटील यांनी लेखी निवेदनातून महापालिका आयुक्त अण्णासाहेब मिसाळ यांच्याकडे केली आहे.
