स्वयंम न्युज ब्युरो : ९८२००९६५७३ :Navimumbailive.com@gmail.com
- चांदीची जीएसटी न भरल्याचे पोलिस तपासात उघड
- टेम्पोच्या खालच्या भागात लपविली होती चांदी
- पोलिसांच्या हाती लागल्या नामवंत ज्वेलर्सच्या पावत्या
नवी मुंबई : मुंबईहून पुण्याच्या दिशेने जाणारा एका पिकअप टेम्पोतून सुमारे १००० किलो चांदी जप्त करण्यात आली आहे. हा टेम्पो वाशी टोलनाक्याजवळ पोलिसांनी अडवला आहे. या चांदीची जीएसटी भरली नसल्याचे पोलिसांच्या तपासात उघड झाले आहे. या प्रकरणाची माहिती नवी मुंबई पोलिसांनी दिली आहे.
सहाय्यक पोलीस आयुक्त अशोक मेंगडे यांच्या पथकाने ही कारवाई केली आहे. हा टेम्पो मुंबईहून पुण्याला रवाना होणार असल्याची माहिती नवी मुंबई पोलिसांना मिळाली होती. आरोपींनी चांदी टेम्पोच्या खालच्या भागात ही चांदी लपविली होती. त्यासोबत अनेक अनेक नामवंत ज्वेलर्सच्या नावाच्या पावत्या पोलिसांच्या हाती लागल्या आहेत. तसेच यांनी नोंदही पोलिसांना सापडली आहे.
चांदीच्या अनेक वस्तू बिस्कीटं, पैंजण, साखळ्या असे दागिने सोबत सापडले आहेत. हा टेम्पो मुंबईहून पुणे व पुण्याहून अहमदाबाद व इतर ठिकाणी जाणार असल्याची माहिती नवी मुंबई पोलिसांच्या माध्यमातून मिळाली आहे.
