नवी मुंबई : राष्ट्रवादी कॉंग्रेसचे राष्ट्रीय अध्यक्ष व देशाचे माजी संरक्षणमंत्री, माजी गृहमंत्री तसेच राज्याचे माजी मुख्यमंत्री शरद पवार यांच्या वाढदिवसानिमित्त राष्ट्रवादी युवक कॉंग्रेस प्रभाग ८५ व ८६च्या वतीने १३ डिसेंबर रोजी रक्तदान शिबिराचे आयोजन करण्यात आले असल्याची माहिती राष्ट्रवादी कॉंग्रेसचे नेरूळ तालुकाध्यक्ष महादेव पवार यांनी दिली.
१३ डिसेंबर रोजी सकाळी १०.३० ते दुपारी २ या वेळेत नेरूळ सेक्टर ६ मधील महाराज कंत दर्शन दरबार येथे हे शिबिर आयोजित केले आहे. कोरोना महामारीमुळे राज्यात रक्तसाठा घटत चालला असून रक्त मिळविण्यासाठी रूग्णाच्या नातलगांना धावपळ करावी लागत आहे. त्यामुळे या शिबिराचे आयोजन केले असून नेरूळ नोडमधील रक्तदात्यांनी शिबिरात सहभागी होवून रक्तदान करावे असे आवाहन महादेव पवार यांनी केले आहे.
