नवी मुंबई : देशाचे माजी कृषीमंत्री, संरक्षणमंत्री, राज्याचे माजी मुख्यमंत्री, सत्ताधारी महाविकास आघाडीचे शिल्पकार व राष्ट्रवादी कॉंग्रेसचे राष्ट्रीय अध्यक्ष शरद पवार व कॉंग्रेसचे मातब्बर नेते व राज्याचे पुनर्वसन मंत्री विजय वड्डेट्टीवार यांचा वाढदिवस नेरूळ सेक्टर २ येथील कॉंग्रेस तालुका कार्यालयात केक कापून उत्साहात साजरा करण्यात आला.
नवी मुंबई इंटकचे अध्यक्ष, नवी मुंबई जिल्हा कॉंग्रेसचे प्रवक्ते तसेच नेरूळ तालुका कॉंग्रेसचे अध्यक्ष रवींद्र सावंत यांच्या जनसंपर्क कार्यालयात हा वाढदिवसाचा कार्यक्रम आयोजित करण्यात आला होता. राष्ट्रवादी कॉंग्रेसचे आमदार व माथाडी नेते शशिकांत शिंदे यांच्या हस्ते शरद पवारांच्या आणि कॉंग्रेसचे मातब्बर नेते व राज्याचे पुनर्वसन मंत्री विजय वड्डेट्टीवार यांच्या वाढदिवसानिमित्त केक कापण्यात आला. यावेळी राष्ट्रवादी कॉंग्रेसचे नवी मुंबई जिल्हाध्यक्ष अशोक गावडे, राष्ट्रवादी कॉंग्रेसचे नवी मुंबई जिल्हा निरीक्षक प्रशांत पाटील, नवी मुंबई जिल्हा कॉंग्रेसचे प्रवक्ते रवींद्र सावंत, नवी मुंबई कॉंग्रेसच्या जिल्हा सचिव विद्या भांडेकर यांच्यासह कॉंग्रेसचे पदाधिकारी व कार्यकर्ते उपस्थित होते.
