नवी मुंबई : सानपाडा नोडमध्ये साईबाबाचे भक्त असणाऱ्या महिलांनी एकत्रित येवून साईभक्त महिला फाऊंडेशनची स्थापना केली असून या फांऊडेशनच्या अध्यक्षपदी सौ. शारदा पांडुरंग आमले यांची निवड करण्यात आली आहे.
साईभक्त महिला फाऊंडेशनची कार्यकारिणी गठीत करण्यात आली असून यात १३ महिला पदाधिकाऱ्यांचा समावेश आहे. कार्याध्यक्षपदी सौ. आज्ञा गव्हाणे, सचिवपदी सौ. सुचिता रमेश शेटे, खजिनदारपदी सौ. नीता सुधीर आंग्रे यांची एकमताने निवड करण्यात आली आहे. या फाऊंडेशनचे संस्थापक श्री. पांडुरंग आमले हे असून त्यांनी कार्यकारिणीतील सर्व महिला पदाधिकाऱ्यांचा पुष्पगुच्छ देवून सत्कार करताना त्यांना पुढील वाटचालीसाठी शुभेच्छा दिल्या.
