नवी मुंबई : प्रभाग ९६ मधील नेरूळ सेक्टर १६, १६ ए,१८ परिसरात पथदिव्याच्या उजेडाला अडथळा ठरणाऱ्या वृक्षाच्या फांद्याची छाटणी करण्याची मागणी जनसेवक गणेश भगत यांनी महापालिका प्रशासनाकडे लेखी निवेदनातून केली आहे.
महापालिका प्रभाग ९६ मध्ये नेरूळ सेक्टर १६, १६ए आणि १८ या परिसराचा समावेश होत आहे. या परिसरात झाडांच्या फांद्या मोठ्या प्रमाणावर विस्तिर्ण आहेत. त्यामुळे रस्त्यावर असणाऱ्या पथदिव्यांचा उजेड रस्त्यावर पडत नाही. त्यामुळे पथदिवे उपयुक्त ठरत नाही. सांयकाळनंतर रस्त्यावर, पदपथावर अंधार पडतो. पदपथावर ये-जा करणाऱ्या पादचाऱ्यांना त्रासाचा सामना करावा लागतो. या पथदिव्यांच्या उजेडाला अडथळा ठरणाऱ्या फांद्याची छाटणी केल्यास पथदिव्याचा उजेड रस्त्यावर व पदपथावर पडेल व रहीवाशांनाही अंधाराच्या समस्येचा सामना करावा लागणार नाही. अंधाराच्या समस्येचे रहीवाशी त्रस्त झाले आहेत. समस्येचे लवकरात लवकर निवारण करण्यासाठी संबंधितांना आदेश देण्याची मागणी गणेश भगत यांनी केली आहे.
