नवी मुंबई :- नवी मुंबई कॉंग्रेस पक्षाच्या वतीने कामगार नेते रवींद्र सावंत आणि नवी मुंबई जिल्हा कॉंग्रेसच्या सचिव विद्या भांडेकर यांनी १२ मे रोजी जुईनगर व सेक्टर २ लगतच असलेला नाल्याची साफ सफाई करण्याची मागणी केली होती. त्यानंतर मनपाच्या अधिकाऱ्यांनी तातडीने सदर ठिकाणची पाहणी केली. स्वच्छता अधिकारी अधिकारी राजेंद्र इंगळे, बारस्कर यांनी इंटक नवी मुंबई अध्यक्ष रविंद्र सावंत यांच्या सोबत पाहणी केली.
रविंद्र सावंत यांनी स्वतः जातीने लक्ष घालून ड्रेनेज लाईन आणि पावसाळ्यात या नाल्यामुळे स्थानिक रहिवाशांना त्रास होऊ नये म्हणून नाला सफाईचे काम लवकर पूर्ण करून घ्यावे अशी विनंती केली होती. सदर काम स्वच्छता अधिकारी राजेंद्र इंगळे यांच्या देखरेखीत चालू केले आहे. तसेच मागील काही महिन्यापासून एलआयजीमध्ये मल:निस्सारण वाहिनीचे (ड्रेनेज लाईन) काम चालू असून बऱ्याच ठिकाणी ते पूर्ण झाले असताना सुद्धा पेव्हर ब्लॉक लावले नव्हते. याची तक्रार केली असता स्वतः बारस्कार यांनी पाहणी केली आणि पेव्हर ब्लॉकच्या कामास सुरुवात झाली नवी मुंबई काँग्रेस जिल्हा सचिव विद्या भांडेकर, नारायण शिंदे, कोडक अप्पा, तुषार पाटील, तिवारी यांच्यासह स्थानिक रहिवाशी यावेळी उपस्थित होते.
