स्वाती इंगवले : (९८२००९६५७३ केवळ व्हॉटसअप)
बातमीसाठी संपर्क : Navimumbailive.com@gmail.com
नवी मुंबई : साथीचे आजार नियत्रंणात आणण्यासाठी तसेच डासांच्या उपद्रवातून स्थानिक रहीवाशांची मुक्तता करण्यासाठी नेरूळ प्रभाग ८७ मध्ये गृहनिर्माण सोसायटींच्या आवारात तसेच उद्यानात व क्रिडांगणात धुरीकरण करण्याची लेखी मागणी शिवसेनेचे माजी नगरसेवक , पक्षप्रतोद व शिवसेना विभागप्रमुख रतन मांडवे यांनी महापालिका आयुक्त अभिजित बांगर यांच्याकडे एका लेखी निवेदनातून केली आहे.
सध्या पावसाळी हंगाम संपत आलेला आहे. परिसरात मोठ्या प्रमाणावर डासांचा उद्रेक वाढीस लागला आहे. डासांमुळे स्थानिक भागातील रहीवाशांना साथीच्या आजारांचाही सामना करावा लागलेला आहे. सांयकाळनंतर घराची दारे-खिडक्याही उघड्या ठेवता येत नाही. सोसायटी आवारात फिरताही येत नाही. आपण पालिकेच्या डास निर्मूलन विभागाला प्रभाग ८७ मधील नेरूळ सेक्टर ८ व १० परिसरातील गृहनिर्माण सोसायटीच्या आतील भागात तसेच सेक्टर ८ व १० मधील एलआयजी वसाहतीच्या अंर्तगत परिसरात तसेच सर्व उद्यानांमध्ये फवारणी सातत्याने करण्याचे निर्देश देवून प्रभाग डासमुक्त करण्यासाठी स्थानिक रहीवाशांना सहकार्य करण्याची मागणी ऱतन मांडवे यांनी पालिका प्रशासनाकडे केली आहे.
