नवी मुंबई : नेरूळ नोडमधील प्रभाग ९६ मध्ये सेल्फी पॉंईट बनविण्याची लेखी मागणी समाजसेवक गणेश भगत यांनी महापालिका आयुक्त अभिजित बांगर व नेरूळ विभाग अधिकाऱ्यांकडे एका निवेदनातून केली आहे.
नेरूळ प्रभाग ९६ मध्ये नेरूळ सेक्टर १६, १६ ए आणि १८ या परिसराचा समावेश होत आहे. सध्याच्या काळात लहान मुलांपासून तरूणाईच नव्हे तर ज्येष्ठ नागरिकांमध्येही सेल्फी काढण्याचे आकर्षण वाढीस लागले आहे. परिसरात सेल्फी पॉइट महापालिका प्रशासनाने निर्माण करावेत यासाठी हे निवेदन सादर करत आहे. प्रभाग ९६ मध्ये किमान तीन ते चार ठिकाणी सेल्फी पॉइट निर्माण झाल्यास त्या त्या ठिकाणच्या परिसरात स्वच्छता राहील. सेल्फी काढण्यासाठी परिसरातील लोक येतील. परिसराच्या सौंदर्यात वाढ होईल. जनतेच्या मागणीस्तव आपण सेल्फी पॉईट निर्माण करून दिलासा देण्याची मागणी समाजसेवक गणेश भगत यांनी महापालिका प्रशासनाकडे केली आहे.
