नवी मुंबई : नेरूळ सेक्टर २, ४ परिसरात पोलिस गस्त वाढविण्याची लेखी मागणी नवी मुंबई जिल्हा कॉंग्रेसच्या सचिव श्रीमती विद्याताई भांडेकर यांनी नेरूळ पोलिस ठाण्याच्या वरिष्ठ पोलिस निरिक्षकांकडे निवेदनातून केली आहे.
नेरूळ सेक्टर २,४ परिसरामध्ये चोरीच्या घटना घडत असल्याने स्थानिक रहिवाशांमध्ये भीतीचे वातावरण पसरले आहे. हा निवासी परिसर असून येथे निवासी परिसरात होत असलेल्या चोऱ्यामुळे , वाधवा ते शिरवणे विद्यालयापर्यतच्या परिसरात दुचाकीवरुन येणाऱ्या काही टपोरी घटकांकडून महिलांची व मुलींची छेडछाड काढण्याच्या घटनांमुळे परिसरात पोलिस गस्तीची आवश्यकता आहे. महिला व मुली बदनामी होण्याच्या भीतीने छेडछाड काढणाऱ्याविरोधात तक्रार करत नाहीत. नेरूळ सेक्टर २, ४ परिसरात पोलिस गस्त वाढविल्यास चोरीच्या घटनांना आळा बसेल. समस्येचे गांभीर्य पाहता या ठिकाणी पोलिस गस्त वाढविण्याचे संबंधितांना निर्देश देण्याची मागणी श्रीमती विद्याताई भांडेकर यांनी केली आहे.
नेरूळ सेक्टर २-४ परिसरात पोलिस गस्त वाढविण्याची मागणी
