जयेश खांडगेपाटील : Navimumbailive.com@gmail.com
जुन्नर : आदिवासी भागातील खामगाव, तांबे, राजूर नंबर १, राजूर नंबर २, उच्छिल,कालदरे व शिवली या गावांमध्ये डोळे हॉस्पिटलच्या सहकार्यातून मोफत नेत्र तपासणी, मोतीबिंदू शस्त्रक्रिया व अल्पदरात चष्मे वाटप शिबीर घेण्यात आले.
जुन्नर तालुक्याचे माजी आमदार स्व. वल्लभ बेनके साहेबांच्या जयंती निमित्ताने राष्ट्रवादी कॉंग्रेस अजित पवार गटाचे जुन्नर तालुका पदाधिकारी अजिंक्य घोलप यांच्या माध्यमातून व आपला भाऊ फाऊंडेशन, ललित जोशी स्पोर्ट फाऊंडेशन यांच्या मार्फत मोफत नेत्र तपासणी, मोतीबिंदू शस्त्रक्रिया व अल्पदरात चष्मे वाटप शिबीराचे आयोजन करण्यात आले होते.
शिबिरामध्ये ५०० हून अधिक रुग्णांची तपासणी होऊन अनेकांना चष्मे वाटप करण्यात आले. गरजूंच्या शिबिरामध्ये शस्त्रक्रिया करण्यात आल्या. या उपक्रमासाठी माजी आमदार अतुल बेनके, पुणे जिल्हा दूध उत्पादक संघाचे व्हाईस चेअरमन भाऊसाहेब देवाडे यांचे मार्गदर्शन व हॉस्पिटलचे समन्वयक सहदेव सांगडेर, डॉ. कोळी, ललित जोशी, किरण लोहकरे, संदिप मुंढे, कुंदन बगाड, निलेश घोलप, सागर घोलप, ओंकार घोलप यांचे सहकार्य लाभल्याचे अजिंक्य घोलप यांनी माहिती दिली.
