अनंतकुमार गवई
नवी मुंबई : मुख्यमंत्री देवेंद्र फडणवीस यांच्या वाढदिवसानिमित्त मंगळवार, दि. २२ जुलै रोजी रक्तदान शिबीर आणि शालेय विद्यार्थ्यांना वह्यांचे मोफत वाटप केले जाणार आहे.
भाजयुमाचे माजी नवी मुंबई जिल्हा उपाध्यक्ष आणि अखिल भारतीय माथाडी संघटनेचे नवी मुंबई जिल्हाध्यक्ष पांडूरंग आमले आणि साईभक्त महिला फांऊंडेशनच्या अध्यक्षा सौ. शारदा पांडूरंग आमले यांनी संयुक्तपणे या कार्यक्रमाचे आयोजन केले आहे. सानपाडा सेक्टर ८ मधील केमिस्ट भवनमध्ये सकाळी १० ते दुपारी २ या वेळेत रक्तदान शिबीराचे तर सानपाडा सेक्टर ४ मधील विवेकानंद संकुल स्कूलमध्ये सकाळी ११ ते दुपारी १ या वेळेत शालेय विद्यार्थ्यांना वह्याचे मोफत वाटप केले जाणार आहे. रक्तदान शिबिरात सानपाडावासियांनी मोठ्या संख्येने सहभागी व्हावे असे आवाहन सानपाडा भाजप विभागाच्या वतीने करण्यात आले आहे
