जयेश खांडगेपाटील : Navimumbailive.com@gmail.com
जुन्नर (प्रतिनिधी) : जुन्नर तालुक्यातील सावरगाव येथील प्राथमिक आरोग्य केंद्रामध्ये डिसेंट फाउंडेशन पुणे , शंकरा आय हॉस्पिटल पनवेल व ग्रामपंचायत सावरगाव यांच्या संयुक्त विद्यमाने मोफत नेत्र तपासणी व मोतीबिंदू शस्त्रक्रिया शिबिर संपन्न झाले. या शिबिराला परिसरातून नागरिकांचा उस्फुर्त प्रतिसाद मिळाला. या शिबिरात ९० जणांची नेत्र तपासणी करण्यात आली व ४१ नेत्र रुग्णांना मोतीबिंदू शस्त्रक्रियेसाठी शंकरा आय हॉस्पिटल पनवेल येथे पाठवण्यात आले.
या शिबिरात रुग्णांची तपासणी, मोतीबिंदू शस्त्रक्रिया, प्रवास, निवास, जेवण, चष्मा व एक महिन्याची औषधे या सर्व सुविधा मोफत देण्यात आल्या. या शिबिरामध्ये तिरळेपणावरील शस्त्रक्रिया मोफत केल्या जात असून असल्याची माहिती डिसेंट फाउंडेशनचे संस्थापक जितेंद्र बिडवई यांनी केले.
डिसेंट फाऊंडेशनचे सचिव डॉ.एफ. बी. अत्तार, संचालक आदिनाथ चव्हाण, शंकरा आय हॉस्पिटलचे डॉ. विजय बामणे, नेहा कदम, सावरगावचे सरपंच दीपक बाळसराफ, उमेश जाधव, प्राथमिक आरोग्य केंद्र सावरगावचे वैद्यकीय अधिकारी डॉ. साहील नाहणाळे , डॉ. अश्विनी खोमणे , दिलीप कचेरे, अफसर शेख, सुपरवायझर सुनील चावरे, आशा गटप्रवर्तक रुपाली ढमढेरे, दया गोसावी, परिचारिका छाया घोडे आदी शिबीरात सहभागी झाले होते.
