नवी मुंबई : त्रिमूर्ती मित्र मंडळाचे अध्यक्ष दिलीप आमले व अंकिता मोटर ट्रेनिंग स्कूल समुह अध्यक्षा सौ. संगीता दिलीप आमले यांच्या वतीने आयोजित घरगुती गणपती सजावट स्पर्धेत ६० स्पर्धकांनी सहभाग घेतला होता. स्पर्धेत प्रथम क्रमांक अनिल वाघमारे यांनी प्रथम तर विरेंद्र म्हात्रे ( गुरुभाई ) यांनी द्वितीय क्रमांक पटकावला.या स्पर्धेच्या बक्षीस वितरण सोहळ्यासाठी महाराष्ट शासन डॉ बाबासाहेब आंबेडकर पुरस्कार जेष्ठ साहित्यिक कवी/नवी मुंबई पोलीस उत्तमराव तरकसे, विरेंद्र म्हात्रे, इमरान नाईक, मुन्नावर माते, राजमनी राय,शांताराम ठिकेकर, शितल शिंदे, प्रमिला दरेकर, सोनाली हाडे ,सुमन शिंदे, संगिता दाते ,रवी सुर्वे, रामप्रकाश गुप्ता, अनिल वाडघरे, सचिन मुडे, विक्की वाडे, संदीप थोरात सर उपस्थित होते. या स्पर्धेमध्ये एकूण सहा विजेत्यांना बक्षीस वितरीत करण्यात आले. महाराष्ट शासन डॉ बाबासाहेब आंबेडकर पुरस्कार जेष्ठ साहित्यिक कवी/नवी मुंबई पोलीस उत्तमराव तरकसे यांनी मनोगत व्यक्त केले.
या सर्व स्पर्धांचे परीक्षण करण्यासाठी तसेच परीक्षक भरत डावखर, प्रणय तुडिलकर, सोपान जेजुरकर यांनी काम केले. प्रत्येक घरामध्ये सर्व स्पर्धकांनी विविध सामाजिक संदेश देत देखावे उभारले होते. या देखाव्यामध्ये विवाह सोहळा, शेतकऱ्यांची कथा, शहरी आणि ग्रामीण भागात साजरा होणारा दीपावली सण, तसेच देशभक्तिपर थीम अशा संकल्पनांवर आधारित संदेश व सजावट करण्यात आली होती. तृतीय क्रमांक सुमन शिंदे, चौथा क्रमांक शितल शिंदे, पाचवा क्रमांक प्रणय तुडिलकर, उत्तेजनार्थ क्रमांक रवी सुर्वे तर उत्कृष्ट मुर्ती राजबली राय यांनी पटकावला. सूत्रसंचालन दिलीप आमले यांनी केले.
