नवी मुंबई : ज्येष्ठ नागरिक संघ – सानपाडा विरंगुळा केंद्रातील विजयी उमेदवारांचा सानपाडा भाजपकडून सत्कार करण्यात आला. सानपाडा रेल्वे स्टेशन परिसरातील भाजप कार्यालयात नवी मुंबई जिल्हा भाजपचे सचिव पांडुरंग आमले यांनी या सत्कार सोहळ्याचे आयोजन केले होते.
या कार्यक्रमात नव्याने निवडून आलेल्या पदाधिकाऱ्यांचा सन्मानपूर्वक गौरव करण्यात आला व त्यांच्या आगामी सामाजिक कार्यासाठी शुभेच्छा देण्यात आल्या. साई भक्त महिला फाउंडेशन व ज्येष्ठ नागरिक संघ – विरंगुळा केंद्र मधील सर्व सभासदांनी उत्स्फूर्त सहभाग देऊन कार्यक्रमाला ऐतिहासिक बनवले. यावेळी काही ज्येष्ठांनी आपले मनोगत व्यक्त केले.
