नवी मुंबई : अखिल आगरी कोळी समाज प्रबोधन ट्रस्टची नवीन वर्षाचे आनंददायी स्वागत आगरी-कोळी महोत्सवाच्या माध्यमातून करण्याची परंपरा आहे. यंदाचे १९ वे वर्ष या महोत्सवाचे असणार आहे, नेरुळ सेक्टर १२ येथील श्री गणेश रामलीला मैदानावर २१ जानेवारी रोजी आगरी कोळी महोत्सवाचा शुभारंभ होणार आहे तर १ फेब्रुवारी रोजी सांगता होणार आहे. या महोत्सवाचे उद्घाटन खासदार नरेश म्हस्के यांच्या हस्ते होणार आहे.
स्थानिक कलाकारांना आपली कला सादर करण्याची संधी या महोत्सवाच्या माध्यमातून मिळणार आहे. खवय्यांसाठी अस्सल आगरी असणार आहेत. त्यासोबत प्रवेश फी शिवाय विविध स्पर्धा होणार आहेत. कोळी पद्धतीचे खाद्यपदार्थाची मेजवानी, कला रसिकांसाठी दर्जेदार कार्यक्रम, लहानग्यांसाठी खेळणी व पाळणे, जादूचे प्रयोग, महिला वर्गासाठी खरेदीचे स्टॉल उपलब्ध असणार आहेत. याशिवाय आगरी कोळी समाजाच्या संस्कृती व परंपरा दाखवणारे देखावेदेखील उभारण्यात येणार आहेत. नवी मुंबई, पनवेलमधील नागरिकांनी य महोत्सवात हजेरी लावावी कलाकारांनी या महोत्सवात आपली कला सादर करावी, असे आवाहन अखिल आगरी कोळी समाज प्रबोधन ट्रस्टचे संस्थापक अध्यक्ष व सिडकोचे माजी संचालक नामदेव भगत यांनी केले आहे.
पारंपरिक नृत्य, हास्य नृत्य जल्लोष, संगीत, ऑर्केस्ट्रा, आगरी कोळी सुपरहिट गीते, परंपरा महाराष्ट्राची कला, लावणी कार्यक्रम, एनआर भगत ट्रस्ट्रतर्फे सण भारतातील’ शिक्षण प्रसारक विद्यापाकडून कलाविष्कार, रंग उत्सवाचा, सण नात्यांचा, वारसा माझ्या महाराष्ट्राचा असे १२ दिवस १२ कार्यक्रमांची मेजवानी रसिकांना अनुभवता येणार आहे.
