संपादक : सुवर्णा खांडगेपाटील : Navimumbailive.com@gmail.com
नवी मुंबई : महापालिका प्रशासनाने नवी मुंबईकरांना वाहन चालविण्याचे मोफत प्रशिक्षण देण्याची लेखी मागणी युवा सेनेचे सरचिटणिस निखील मांडवे यांनी महापालिका आयुक्त कैलास शिंदे यांच्याकडे एका निवेदनातून केली आहे.
नवी मुंबईतील रहिवाशांना महापालिका प्रशासनाकडून मागील काही काळापूर्वी महापालिका प्रशासनाकडून वाहन चालविण्याचे प्रशिक्षण मोफत देण्यात येत होते. या योजनेचा अनेकांनी फायदा घेत रोजगारही मिळविला आहे. महापालिका आर्थिकदृष्ट्या सक्षम आहे. ही योजना महापालिका प्रशासनाने अचानक बंद केली आहे. अलिकडच्या काळात वाहन परवाना काढण्यासाठी नवी मुंबईकरांना हजारो रुपये मोजावे लागत आहेत. शिवसेनेच्या माजी नगरसेविका सौ. सुनिता रतन मांडवे यांनी त्यांच्या कालावधीत सभागृहामध्ये ही योजना सुरु करण्याची मागणीही केली होती. महापालिका प्रशासनाने मोफत वाहन चालविण्याचे प्रशिक्षण योजना पुन्हा सुरु करुन नवी मुंबईकरांना दिलासा देण्याची मागणी युवा सेनेचे सरचिटणिस निखील मांडवे यांनी केली आहे.
