सुवर्णा खांडगेपाटील : Navimumbailive.com@gmail.com
मुंबई : कोकणचे सुपुत्र प्रमोद जठार यांची विधान परिषदेवर आमदार म्हणून निवड झाल्यानंतर त्यांनी कार्यकर्त्यांना सन्मान समर्पित करण्यासाठी तीन दिवसीय सिंधुदुर्ग व रत्नागिरी जिल्हा दौऱ्याचे आयोजन केले आहे.
महाराष्ट्र विधानपरिषद आमदार म्हणून निवड झाल्यानंतर मा. प्रमोद जठार यांनी हा सन्मान पक्षासाठी अहोरात्र परिश्रम करणाऱ्या सर्व कार्यकर्त्यांना समर्पित करण्याचा निर्णय घेतला आहे. याच पार्श्वभूमीवर ते कोकणातील कार्यकर्त्यांना प्रत्यक्ष भेटून त्यांच्या योगदानाबद्दल कृतज्ञता व्यक्त करणार आहेत. या अनुषंगाने त्यांचा जिल्हानिहाय दौरा ७ व ८ मे सिंधुदुर्ग जिल्हा व ९ मे रोजी रत्नागिरी जिल्हा आयोजित करण्यात आला आहे.
या दौऱ्यामध्ये आमदार प्रमोद जठार हे विविध ठिकाणी जाऊन कार्यकर्त्यांशी संवाद साधणार असून, त्यांच्या अथक परिश्रमांमुळेच हा सन्मान मिळाल्याची भावना व्यक्त करणार आहेत. तसेच, आगामी काळात पक्ष संघटन अधिक मजबूत करण्यासाठी सर्वांनी एकत्रितपणे काम करण्याचे आवाहनही ते करणार आहेत. या भेटीदरम्यान स्थानिक पदाधिकारी व कार्यकर्त्यांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.
