अनंतकुमार गवई : Navimumbailive.com@gmail.com
नवी मुंबई : आषाढी एकादशीनिमित्त शनिवारी नेरूळ सेक्टर आठमध्ये शिवसेनेच्या वतीने फराळ वाटप तर सारसोळे गावातील युवकांकडून विठ्ठल दर्शन सोहळा व ज्येष्ठ नागरिकांना तुळशीचे वाटप ठेवण्यात आले आहे.
नेरूळ सेक्टर आठमधील एल मार्केट चौकासमोरील एमएसईडीसीच्या उपकेंद्रालगत शिवसेनेचे माजी नगरसेवक व पक्षप्रतोद रतन नामदेव मांडवे आणि शिवसेनेच्या माजी नगरसेविका सौ. सुनिता रतन मांडवे यांच्यावतीने नेरूळवासियांसाठी शनिवार, दि. २५ जुलै रोजी सांयकाळी ७ वाजल्यानंतर खिचडी, फळे असा फराळ वाटपाच्या कार्यक्रमाचे आयोजन करण्यात आले आहे. गेली १४ वर्षे शिवसेनेच्या वतीने आषाढी एकादशीनिमित्त फराळ वाटपाचे आयोजन करण्यात येत आहे.
सारसोळे गावातील युवकांकडून दोस्ती ग्रुप आणि कोलवाणी मित्र मंडळ तसेच ग्रामस्थांच्या माध्यमातून शनिवारी, दि. २५ जुलै रोजी सकाळी ११ ते सांयकाळी ५ वाजेपर्यंत सारसोळे बसडेपोलगतच्या टेम्पो स्टॅण्ड येथे विठ्ठल दर्शन सोहळ्याचे आयोजन करण्यात आले आहे. या कार्यक्रमात ज्येष्ठ नागरिकांना तुळशीचे वाटप केले जाणार आहे. या भक्तिमय कार्यक्रमात नेरूळवासियांनी मोठ्या संख्येने सहभागी व्हावे, असे आवाहन दोस्ती ग्रुपचे संदीप मेहेर यांनी केले आहे.
