नवी मुंबई : आषाढी एकादशीनिमित्त नेरूळ सेक्टर आठ परिसरात शिवसेना शिंदे गटाच्या वतीने आयोजित करण्यात आलेला फराळ वाटपाचा कार्यक्रम भाविकांच्या उपस्थितीत उत्साहात पार पडला. शिवसेना शहरप्रमुख विजय माने व शिवसृनिक महादेव पवार हेही या कार्यक्रमात सहभागी झाले होते.

शिवसेनेच्या माजी नगरसेविका सौ. सुनिता रतन मांडवे आणि माजी नगरसेवक तसेच शिवसेनेचे माजी पक्षप्रतोद रतन नामदेव मांडवे यांनी या फराळवाटपाच्या कार्यक्रमाचे आयोजन केले होते. यंदाचे हे १४ वे वर्ष होते. सांयकाळी ६ ते ९ या वेळेमध्ये आयोजित केलेल्या कार्यक्रमात विभागातील ६०० हून अधिक स्थानिक रहिवाशांनी फराळवाटपाचा लाभ घेतला. स्थानिक शिवसैनिकांनी, युवा सैनिकांनी, महिला आघाडीच्या कार्यकर्त्यांनी या कार्यक्रमाच्या यशस्वितेसाठी परिश्रम घेतलेे.