मुंबई युवक काँग्रेसकडून मुख्य निवडणूक आयुक्त ज्ञानेशकुमार विरोधात आंदोलन

स्वयंम न्यूज ब्युरो : Navimumbailive.com@gmail.com

मुंबई : मुख्य निवडणूक आयुक्त ज्ञानेशकुमार यांच्या विरोधात काँग्रेस पक्षाने एल्गार पुकारला आहे. लोकशाही बचाव, संविधान बचाव चा नारा देत मुंबई उत्तर-पश्चिम जिल्हा युवक काँग्रेसतर्फे आंदोलन करण्यात आले. ‘SIR’ रद्द करा आणि “ज्ञानेश कुमार राजीनामा द्या” या प्रमुख मागण्यांसाठी गुरुवारी आंदोलन करण्यात आले. या आंदोलनादरम्यान, एक शिष्टमंडळ तहसीलदारांची भेट घेऊन त्यांना अधिकृत निवेदन सादर करणार होते पण पोलिसांनी आंदोलकांची धरकपड केली.

पोलीसांनी युवक काँग्रेसचे आंदोलन दडपून टाकण्याचा प्रयत्न केला असली तरी हे आंदोलन सुरुच राहिल. राहुल गांधी यांनी सुरु केलेल्या या आंदोलनाचा आवाज कोणीही दडपू शकत नाही. सरकार पोलिसांना पुढे करून विरोधी पक्षांचा आवाज बंद करू पहात आहे पण वोटचोरी विरोधातील हे आंदोलन यापुढेही सुरुच राहिल असा इशारा उत्तर पश्चिम जिल्हा युवक काँग्रेसचे कार्याध्यक्ष अब्दुल समद यांनी दिला आहे.