सीबीडी मारूती झेनची चोरी
नवी मुंबई : सीबीडी बेलापुर रेल्वे स्टेशनलगत उभी करून ठेवलेली मारूती झेन चोरीला जाण्याची घटना सीबीडी बेलापुर पोलीस ठाण्याच्या हद्दीत घडली आहे.
खारघर येथे राहणार्‍या कुंदनसिंग श्रवणसिंग (३४) यांनी सकाळी ९ वाजता सीबीडी रेल्वे स्टेशनच्या बाजूला एमटीएनएल ऑफिसचे बाजूला आपली मारूती झेन (एमएच ०४ एपी ८०८८) उभी केली. रात्री ९.३० वाजता ते परत आल्यावर त्यांना आपली झेन चोरीला गेल्याचे निदर्शनास आले. याप्रकरणी गुन्हा सीबीडी बेलापुर पोलिस ठाण्यात दाखल करण्यात आला आहे.
द्रोणागिरी नोडमध्ये घरफोडी
नवी मुंबई : द्रोणागिरी नोडमध्ये बंद घराचा कडीकोंयडा तोडून दीड लाखाच्या आसपास ऐवज चोरून नेण्याची घटना उरण पोलीस ठाण्याच्या हद्दीत घडली आहे.
द्रोणागिरी नोडमधील वसुंधरा सोसायटीत रूम नं १० मध्ये राहणार्‍या व्यकंट मश्रामी यांच्या बंद घराचा कडीकोंयडा दुपारी १२.३० वाजण्याच्या सुमारास तोडून अज्ञात चोरट्याने रोख रक्कम व सोन्याचे दागिने असा सुमारे दीड लाख रूपयांच्या आसपास ऐवज चोरून नेला. सहाय्यक पोलीस निरीक्षक आव्हाड अधिक तपास करीत आहेत.
