शरद पवार यांना रुग्णालयातून डिस्चार्ज

अनंतकुमार गवई
मुंबई : पायाला दुखापत झाल्याने रुग्णालयात दाखल करण्यात आलेले राष्ट्रवादी कॉंग्रेसचे अध्यक्ष शरद पवार यांना ब्रीच कँडी रुग्णालयातून डिस्चार्ज देण्यात आला आहे.
तीन डिसेंबर रोजी पवार नवी दिल्लीतील ६ जनपथ निवासस्थानी चालण्याचा व्यायाम करत असताना भोवळ आल्याने पाय घसरुन पडले. त्यांच्या पायाला फ्रॅक्चर झाल्याने शस्त्रक्रियेसाठी त्यांना हवाई रुग्णवाहिकेद्वारे मुंबईत आणण्यात आले होते.
गेल्या काही दिवसांपासून त्यांच्यावर ब्रीच कँडी रुग्णालयात उपचार सुरु होते. आज त्यांना रुग्णालयातून डिस्चार्ज देण्यात आला आहे.
ब्रीच कँडी रुग्णालयातून पवार यांना डिस्चार्ज देण्यात आला आहे. तसेच डॉक्टरांनी त्यांना विश्रांती घेण्यास सांगितले आहे, असे राष्ट्रवादीचे प्रवक्ते नवाब मलिक यांनी सांगितले.