पुणे / वार्ताहर
मुंबई- पुणे एक्स्प्रेस महामार्गावर खंडाळा घाटात अमृतांजन पुलाजवळ ट्रकला हटवण्यासाठी आलेली क्रेन उलटल्याने वाहतुकीचा खोळंबा झाला आहे. या विचित्र अपघातामुळे मुंबईकडे येणारी वाहतूक ठप्प झाली आहे.
येथील वाहतूक जुन्या मुंबई- पुणे महामार्गावर वळवण्यात आली आहे. या अपघातामुळे पुणे-मुंबई एक्स्प्रेस महामार्ग आणि जुन्या पुणे- मुंबई महामार्गावरही वाहनांच्या लांबच लांब रांगा लागल्या आहेत.
वाहतूक संथ गतीने पुढे सरकत आहे, शक्य असल्यास या मार्गावरील प्रवास टाळावा, वाहतूक पूर्वपदावर येण्यासाठी आणखी काही तासांचा कालावधी लागेल, असे महामार्ग पोलिसांनी सांगितले.
मुंबई- पुणे द्रृतगती महामार्गावर विचित्र अपघात
